ҮЙЛ АЖИЛЛАГААНЫ СТРАТЕГИ

1. Барилга, байгууламжийн норм, нормативын баримт бичгийн ерөнхий тогтолцоог олон улсын жишигт нийцүүлэн өөрчилж, шинэчилсэн тогтолцоог бий болгох, шинэчлэх, барилга, орон сууц, нийтийн аж ахуйн салбарын хөгжлийн чиг хандлагад нийцүүлэн ашиглалт үйлчилгээг сайжруулах төсөл хөтөлбөрийг үе шаттай хэрэгжүүлэхэд дэмжлэг үзүүлэх, санал боловсруулах;
   
   
2. Барилга байгууламжийн зураг төслийг хөгжүүлэх, эрх зүйн орчныг боловсронгуй болгоход чиглэсэн заавар, журам боловсруулж мөрдүүлэх, хэрэгжүүлэх, мэргэжлийн зөвлөгөө, дэмжлэг үзүүлэх, барилга байгууламжийн зураг төсөлд магадлал хийх ажлыг зохион байгуулах,
   
   
3. Барилга, барилгын материалын үйлдвэрлэлийн талаар явуулах төрийн бодлого, хөгжлийн ойрын ба хэтийн чиглэлийг хууль эрх зүйн хүрээнд хэрэгжүүлэхэд дэмжлэг үзүүлэх, “Баталгаажуулалтын алба”-ны үйл ажиллагааг өргөжүүлэх мэргэжлийн удирдамж, зөвлөгөө, шаардлагатай судалгаа мэдээллээр холбогдох эрх бүхий байгууллагыг хангах;
   
   
4. Урт, дунд хугацааны зорилтот хөтөлбөрийн хүрээнд салбарын хүний нөөцийн эрэлт, нийлүүлэлт (захиалга, төлөвлөлт, зохицуулалт)-ийн судалгаа хийх, барилгын салбарын ажилтныг давтан сургах, мэргэжил дээшлүүлэх, салбарын бодлого, төсөл, хөтөлбөрийн хэрэгжүүлэхтэй холбогдсон судалгаа, мэдээ, мэдээлэл, зар сурталчилгаа, дэвшилтэт техник технологи танилцуулах, эмхэтгэл гаргаж хэрэглэгчдэд хүргэх ажлыг зохион байгуулах,
   
   
5. Улсын Их Хурал, Засгийн газраас баталсан улсын төсөв, бусад эх үүсвэрийн хөрөнгө оруулалтаар хэрэгжих эрх шилжсэн төсөл, арга хэмжээнд техникийн хяналт тавих;
   
   
6. Барилгын материал, хийц бүтээц, эдлэхүүний шинж чанарыг Монгол улс болон олон улсад мөрдөгдөж байгаа стандартын дагуу тодорхойлох, орон нутгийн барилгын материалын сорилт шинжилгээний лабораторийн үйл ажиллагааг нэгдсэн удирдлагаар хангах, чанарын удирдлагын тогтолцоог хэрэгжүүлэхэд арга зүйн зөвлөгөө, дэмжлэг үзүүлэх;
   
   
7. Төвийн удирдлагын манлайллыг хангах, дотоод хяналтыг сайжруулах, дотоод ажлыг эрхэлж, олон нийттэй харилцах, төвийн өдөр тутмын үйл ажиллагааг хэвийн явуулах нөхцөл, боломжийг бүрдүүлж, дэмжлэг үзүүлэх, хууль тогтоомж, бодлого, хөтөлбөр, төлөвлөгөө, төслийн хэрэгжилтийн үр нөлөөг сайжруулахад дэмжлэг үзүүлэх;
   
   
8. Байгууллагын санхүү, эдийн засгийн төлөвлөлт, хөрөнгө оруулалтын үр дүнг дээшлүүлэх, санхүүгийн хяналт шалгалт хийх, үнэлэлт, дүгнэлт, зөвлөмж гаргах, эрсдэлийн удирдлагаар хангах салбарт хэрэгжиж буй төсөл, хөтөлбөрийг үе шаттай хэрэгжүүлэхэд дэмжлэг үзүүлэх.

"БАРИЛГЫН ХӨГЖЛИЙН ТӨВ" ТӨРИЙН ӨМЧИТ ҮЙЛДВЭРИЙН ГАЗРЫН ДҮРЭМ