Сайн байна уу. Би Хан-уул дүүрэг, 17 хороо Агниста Хотхон 99А байрны оршин суугч иргэн байна. Манай байрны баруун талд байрлах барилгын талбайд өдөр бүр шөнийн цагаар буюу 23:00 цагаас үүрийн 05:00 цаг хүртэл тасралтгүй барилгын ажил, дуу чимээтэй үйл ажиллагаа явагдаж байгаа нь оршин суугчдын амгалан тайван байдал, эрүүл аюулгүй орчинд амьдрах эрхийг ноцтойгоор зөрчиж байна. Монгол Улсын: “Зөрчлийн тухай хууль”-ийн 5.5 дугаар зүйл, “Барилгын тухай хууль”, “Хот, суурин газрын орчны дуу чимээний норм, аюулгүй байдлын шаардлага”-д заасан холбогдох зохицуулалтуудын дагуу иргэдийн амгалан тайван байдлыг алдагдуулах, зөвшөөрөгдөөгүй цагаар барилгын ажил явуулахыг хориглосон байдаг. Иймд тухайн барилгын: Барилга угсралтын зөвшөөрөл, Шөнийн цагаар ажиллах тусгай зөвшөөрөл байгаа эсэх, Хөдөлмөрийн аюулгүй байдал болон орчны стандарт мөрдөж байгаа эсэхийг холбогдох байгууллагаар яаралтай шалгуулж өгнө үү. Мөн шаардлага хангахгүй, зөвшөөрөлгүй нөхцөл байдал тогтоогдсон тохиолдолд Монгол Улсын хууль тогтоомжид нийцүүлэн зөвхөн зөвшөөрөгдсөн цагийн хуваарийн дагуу үйл ажиллагаа явуулах талаар шаардлага хүргүүлж өгнө үү. Миний бие энэхүү асуудлаар шаардлагатай тохиолдолд холбогдох мэргэжлийн хяналт, цагдаа болон бусад эрх бүхий байгууллагад давхар гомдол гаргах болно
